Jiski lathi uski bhes -Best proverb story hindi

Jiski lathi  uski bhes

Jiski lathi  uski bhes

to kahani kuchh yon hai ki ek brahman ko kahin se yajmani men ek bhains mili। use lekar vah ghar ki or ravana hua। sunsan raste men vah paidal hi chala ja raha tha। bich raste men use ek chor mila। uske hath men mota danda tha aur sharir se bhi vo achchha tagda tha। usne brahman ko dekhte hi kaha – “kyon brahman devta, khub dakshina mili lagti hai, par yah bhains to mere sath jagi।“

brahman ne jhat kaha- “kyon bhai?”

chor bola- “kyon kya? jo kah diya so karo। bhains chhod kar chupchap yahan se chalte bano, varna lathi dekhi hai, tumhari khopdi ke tukde- tukde kar dunga।”

ab to brahman ka gala sukh gaya। halanki sharirik bal men vah chor se kam nahin tha। par khali hath vah kare bhi to kya kare? viprit samay men buddhibal kam aya। brahman bola- “thik hai bhai, bhains bhale hi le lo, par brahman ki chij yon chhin lene se tumhen pap lagega। badle men kuchh dekar bhains lete to pap se bach jate।”

chor bola- “yhan mere pas dene ko dhara kya hai?” brahman ne jhat kaha- “aur kuchh n sahi, lathi dekar bhains ka badla kar lo।”

chor ne khush ho kar lathi brahman ko pakda di aur bhains par donno hath rakh kar khda ho gaya। tabhi brahman kdak kar bola- “chal hat bhains ke pas se, nahin to abhi khopdi do hoti hai।”

chor ne puchha-“ kyon?”

brahman bola-“ kyon kya ? jis ki lathi us ki bhains।”

chor ko apni bevkuphi samajh a gayi aur usne vahan se bhagne men hi bhalai samjhi। kisi ne sach hi kaha hai ki jismen akl hai, usmen takat hai।

to ab samjhe ki yah kahavat yahin se shuru hui, jis ki lathi us ki bhains।